«Артек» Тӱнямбал йоча лагерьыште Марий Элын кечыжым кумдан палемдыме
«Артек» Тӱнямбал йоча лагерьыште Марий Элын кечыжым кумдан палемдыме. Пайремлымаш вигак икмыняр пайрем дате дене кылдалтын: июньышто «Артек» йоча рӱдерлан 100 ий темын, икмыняр кече гыч Марий Эл республике 105 ияш кечыжым палемда. Адакшым тенийсе ийын эн кӱлешан событийже- Кугу Сеҥымашлан 80 ий теммым палемдымаш лийын. Республикым вуйлатыше Юрий Зайцев «Артекыш» шкежат миен да йоча- влак дене пайрем шӱлышым пырля пайлен. «Морской» йоча лагерьыште тудо Марий Эл гыч тӱнямбал йоча лагерьыште каныше йоча- влак дене вашлийын. Кажне ийын «Артекыште» республике гыч 140 наре икшыве кана- активист, сайын тунемше, спортсмен, конкурслаште сеҥыше- влак. Юрий Зайцевланат лагерь мучко экскурсийым эртареныт.
Республикын кечыже «Сеҥымаш кӱсле» концерт программе дене мучашлалтын. Тудо Кугу Ачамланде сарыште участвоватлыше марий филармонийын артистше- влакын героизмыштлан пӧлеклалтын. Концертым Республикым вуйлатыше Юрий Зайцев ден «Артек» рӱдерым вуйлатыше Константин Федоренко почыныт. Юрий Зайцев ӱжымлан тауштен да республикыш унала толаш ӱжын ойлен. Лагерьым вуйлатыше сменыште улшо кум тӱжем утла йочалан республике дене палыме лияш йӧным ыштымылан тауштен да республикым 105 ияш лӱмгечыже лдене саламлен. Юрий Зайцев рӱдерын тоштержылан калыкле брендым- марий кӱслем пӧлеклен. Сценыште «Марий Эл» Кугыжаныш куштышо ансамбль, кӱслезе- влакын «Чинчывий» ансамбльышт, Эрик Сапаев лӱмеш опера да балет театрын солистше-шамыч, «Тулгайык» калык муро ансамбль да моло артист- влак мастарлыкым ончыктеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Республикын кечыже «Сеҥымаш кӱсле» концерт программе дене мучашлалтын. Тудо Кугу Ачамланде сарыште участвоватлыше марий филармонийын артистше- влакын героизмыштлан пӧлеклалтын. Концертым Республикым вуйлатыше Юрий Зайцев ден «Артек» рӱдерым вуйлатыше Константин Федоренко почыныт. Юрий Зайцев ӱжымлан тауштен да республикыш унала толаш ӱжын ойлен. Лагерьым вуйлатыше сменыште улшо кум тӱжем утла йочалан республике дене палыме лияш йӧным ыштымылан тауштен да республикым 105 ияш лӱмгечыже лдене саламлен. Юрий Зайцев рӱдерын тоштержылан калыкле брендым- марий кӱслем пӧлеклен. Сценыште «Марий Эл» Кугыжаныш куштышо ансамбль, кӱслезе- влакын «Чинчывий» ансамбльышт, Эрик Сапаев лӱмеш опера да балет театрын солистше-шамыч, «Тулгайык» калык муро ансамбль да моло артист- влак мастарлыкым ончыктеныт.
Фото: Марий Элым вуйлатышын администрацийжын увер дене пашам ыштыше пӧлкаже.
