Ава капиталым 974 тӱжем теҥге марте кугемдат
Ава капиталым 974 тӱжем теҥге марте кугемдат. 2026-шо ийыште ава капиталым 6,8 процентлан индексироватлат,- увертара паша министерстве. Социал выплатым икымше февраль гыч улшо инфляций кугытлан ешарат. Тыге ава капитал кокымшо йочалан 974 тӱжем теҥге марте кугемеш, икымше йочалан капиталын кугытшо 737 тӱжем теҥге лиеш. Аза шочмеке ик гана тӱлымӧ пособий 28 тӱжемат 773 теҥге марте ешаралтеш. Единый пособиййлан ик триллионат 760 миллион теҥгем колташ шонат. Тыгак 119 миллиард теҥгем еш выплатылан палемдыме. Тудыжо 2026-шо ий гыч тӱлалташ тӱҥалеш. Тудо кок але утларак икшыван ача-авалан подоходный налогын ужашыжым пӧртылташ полша. Но тидын годым ешын кажне еҥжылан шотлымаште парышыже илен лекташ ситыше оксан иктат пеле кугытшо деч шагалрак лийшаш.
Фото: источник photogenica, автор vodolej
Фото: источник photogenica, автор vodolej
