Марий Эл гыч сонар пий- влак Чуваший гыч икмыняр медальым конденыт

Марий Эл гыч сонар пий- влак Чуваший гыч икмыняр медальым конденыт
               Марий Эл гыч сонар пий- влак Чуваший гыч ик шӧртньӧ да кок ший медальым конденыт. Тушто сонарзе- влакын конкурс-фестивальышт эртен. Фестиваль вигак икмыняр площадкыште пашам ыштен. Иктыштыже сонар пий- влакын выствкышт лийын. весыште сонарзе- влак коклаште эстафетыште таҥасымаш, туштак талингам лӱйымаште пӱсылыкым ончыкташ кӱлын, а пий- влак вӱд гыч лудым конден моштымышт дене моктаненыт. Марий Элын сборный командыштыже Людмила Куянова, Эдуард Колумбаев, Вениамин Войков, Владислав Веселов, Александр Якурнов, Борис Зорин лийыныт. Нуно чарак полосам, тура коремым эртышаш, кӱзым кышкен моштымашым ончыктышаш да вӱд гоч эртышаш лийыныт. Мучашлан йодыш- влаклан вашештыман ыле.
              Янлык тӱня департаментыште тыршыше Людмила Куянова чыла йодышлан чын вашештен, молыжо ик йоҥылыш гыч ыштеныт. Эстафете почеш личный превенствыште Владислав Веселов ший медальым сеҥен налын. Сонар пий- влакын  выставкыштышт Александр Якуруновын Рона курцхаар урлык пийже изи шӧртньӧ медальым налын да экстерьерын «Отлично» акшым сулен. Марий Эл гыч лайка- влакын рингыштышт пий ший медаль дене палемдалтын. Александр Якурновын Виктория Аверой курцхаарже вӱд гыч лудым лукмаште кокымшо лийын. Фестиваль мучко уна ден оза- влакым Чувашийысе фольклор коллектив- влак куандареныт.
        Фото: Янлык тӱня департамент.

Прошлые выпуски