Тат-Кушна ялыш газым пурташ газпучым пашаш колтымо
Республикыште Морко районысо Тат-Кушна ялыш газым пурташ газпучым пашаш колтымо. Мероприятийыште промышленность министрын алмаштышыже Михаил Полубарьев, «Газпром межрегионгаз Йошкар-Ола» ушемын генеральный директоржо Михаил Владимиров, район администрацийым вуйлатыше Александр Голубков лийыныт. Ялыш газым кондаш посёлкыла кокласе 11 меҥге утла кужытан гназпучым чоҥымо, посёлко кӧргысо 6 меҥге утла сетьым пыштыме. Тыге 141 суртыш да Тат-Кушна ялысе тӱвыра пӧртын котельныйжым газ деке ушаш йӧн лийын.
Фото: «Газпром межрегионгаз Йошкар-Ола».
Фото: «Газпром межрегионгаз Йошкар-Ола».
