«Чавайнур-Нуръял Корамас» корным олмыктымо паша мучашыш лишемеш
Морко районышто «Чавайнур-Нуръял Корамас» корным олмыктымо пашам мучашыш лишемдат. Подряд организаций ныл меҥге кужыт трассым уэмда. Объектым 30-шо июньлан сдатлаш шонат. Тушто у асфальтым шарыме, корно йымач вӱдым колтымо 8 пучым олмыктеныт. Лишыл жапыште автобус чарналтыш площадкым тӧрлат да корно тӱрым тыгыде кӱ дене пеҥгыдемдат. Транспорт министерстве ушештара: Морко районышто тиде корно тургымышто 20 меҥге наре кужыт корным олмыкташ палемдыме. Кызыт «Морко- Изи Кушна», «Коркатово- Кожлаер» корнылаште паша чулымын кая.
Фото: Транспорт министерстве.
Фото: Транспорт министерстве.
