Йошкар-Оласе школлаште капитально олмыктымо пашан пелыже утлам ыштыме
Йошкар-Оласе школлаште капитально олмыктымо пашан пелыже утлам ыштыме. Туныктыш министр Лариса Ревуцкая оласе олмыкталтше школлаш миен коштын. Паша кызыт шолеш веле. Теве 23-шо номеран школым 62 процентлан ыштыме. Тушто кугу сомыл шукталтеш: леведышлан гнидроизоляций гыч тӱҥалын у инженер сетьым монтироватлыме марте. Кызыт чоҥышо- влак пырдыж ден тувырашым шымартат, кӱвареш кремогранитым шарат, пӧлемлам чиялтат. 16-шо номеран школышто 55 процент пашам шуктымо. Туштат пырдыжым шымарташ ямдылат. Пашазе- влак канализаций да вентиляций системым уэмдат, радиатор- влакым вераҥдат, плиткам оптат, омсам шындат. 14-ше номеран гимназийыште ойыртемалтше дизайн-проектым кучылтыт. Капитально олмыктымо паша проект дене келшышын шукталтеш. Тудыжым «Шонымо школ» марафон кышкарыште Юлтехын студентше- влак ямдыленыт. Электромонтаж да штукатур пашам мучашлыме, окнам шындыме. Пашазе- влак шымарташ да плиткам опташ тӱналыныт.
Фото: Туныктыш министерстве.
Фото: Туныктыш министерстве.
