Чоҥен шуктыдымо цирк манежым у сымыктыш школыш савырат
Медведево посёлкышто чоҥен шуктыдымо цирк манежым у сымыктыш школыш савырат. Кызыт тиде пашалан подрядчикым кычалыт. Тидын нерген келшыше документацийым кугыжаныш закупко сайтыште вераҥдыме. Проект почеш школышто кажне кечын 160 йоча тунем кертеш. Тӱшка кумыдкшо кум тӱжемат 300 квадрат метрыш шушаш. Тидын годым пужен ыштыме деч ончыч зданийын кумдыкшо тӱжемат 400 квадрат метр лийын. пашам 2027-ше ийын икымше декабрь марте мучашлаш кӱлеш. Контрактын акше- 504 миллионат 900 тӱжем теҥге. Цирк арена кызытсе жаплан келшыше концерт залыш савырнышаш. Тиддеч посна школышто театр сымыктыш, фольклор, хор дене мурымо пӧлка- влакым почаш палемдыме. Чыла тиде пашам Российын тӱвыра министерствыже поддержатлен. Проектым илышыш шыҥдараш 2026-шо- 2027-ше ийлаште 600 миллион наре теҥге оксам ойырымо лиеш.- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
