Йоча- влакым пий пурылмылан район администрацийлан компенсацийым тӱлыктеныт
Республикыштына йоча- влакым пий пурылмылан район администрацийлан компенсацийым тӱлыктеныт. Параньга районын Прокуратурыжо верысе калыкын ийготыш шудымо йочаштын праваштым пудыртымо шотышто йодмашышт почеш тергымашым эртарен. Рашемдыме: Алашайка ялыште шала коштшо пий вич ияш йочам пурлын, Параньга посёлкышто- 13 ияш икшывым. Йоча- влак сусыргеныт, медицина тӧнежыште эмлалтмашым эртеныт, моральный эҥгекым налыныт. Прокуратура район администраций деч моральный эҥгекым пӧртылташ иск йодмашым судыш пуэн. Судын решенийже надзор ведомствын йодмашыжым шуктен. Ийготыш шудымо- влакын законло представительыштлан моральный эҥгеклан компенсацийым пӧртылтымӧ. Прокуратурын представленийым ончымо лектыш почеш Параньга район администрацийын пӧлкажым вуйлатышым административно мутым кучаш шогалтыме.
Фото: Архив.
Фото: Архив.
