Медицина пашаеҥ- влак Тазалык ечыгорныш лектыныт

Медицина пашаеҥ- влак Тазалык ечыгорныш лектыныт
             Республикысе медицина пашаеҥ- влак Тазалык ечыгорныш лектыныт. Йошкар-Олаште республикысе медицина организаций- влак коклаште «Тазалык ечыгорно-2026» ече дене  таҥасымаш эртен. Стартыш «Корта» базыште шӱдӧ утла участник- 20 команде лектын. Таҥасымашым тазалыкаралтыш пашаеҥ- влак проф ушемын республикысе организацийже эртарен. Чылаже кум комплект наградым модмо, а профушем реском эше шым номинацийыште сеҥыше- влакым палемден. Тыге икымше верым Шерур рӱдӧ эмлыме вер налын, кокымшо верыш Звенигово рӱдӧ эмлыме вер лектын, кумшо вер Йошкар-Оласе клинический эмлыме верлан логалын. Таҥасыме деч вара чыла участникым шокшо чай да тутло плов дене сийленыт.
            Фото: Тазалыкаралтыш министерстве.

Прошлые выпуски