Курык марий районышто Арганякован отставкыжым приниматленыт

Курык марий районышто Арганякован отставкыжым приниматленыт
              Курык марий районышто Арганякован отставкыжым приниматленыт   да район администрацийым вуйлатышын пашажым жаплан шуктышым палемденыт. Районышто депутат- влакын черетдыме сессийышт лийын. Тушто вуйлатыше коклаште лийше вашталтышым да районын ончыкылыкшым каҥашеныт. Депутат- влак район администрацийым вуйлатышылан 7 ий тыршыше Наталья Арганякован отставкыжым приниматленыт. Тиде жап гыч район администрацийым жаплан вуйлаташ икымше алмаштыше Александр Евдаковым шогалтыме. Тидын дене пырля тиде яра должностьым налаш конкурсым тӱҥалме. Иктешлымашым шошо тӱҥалтышыште ыштат.
            Каҥашыме эше ик кӱлешан йодыш районым окургыш кусарыме дене кылдалтын. Вуйлатыме системым тений вашталташ шонат. Ял илем администраций- влак олмеш территориальный пӧлка- влак шочыт, а депутат- влакым у ик мандатан округлаште ик район погынымаш кышкарыште сайлаш тӱҥалыт. Тӱҥалтышын авторжо- влакын шонымашышт почеш районысо калыклан пужен ыштымаш кучем дене кылым кучымашым куштылемда. Ятыр тыглай йодыш- влакым виктарен колташ райрӱдышкӧ кошташ ок кӱл. Пужен ыштыме нерген тӱналтышым республикысе парламентыш ончаш да азакон почеш оформитлаш колтат.
             Фото: Курык марий район администраций.

Прошлые выпуски