Коммерцийдыме мер организаций- влак грантым налыт
Десантник, историйым реконструироватлыше- влак да «Инвалид- влакын российысе обществышт» муниципал тӱналтышлан грантым налыт. Тидын нерген Йошкар-Олан администрацийже увертара. Мэрийыште коммерцийдыме мер организаций- влаклан муниципал грантым ойыраш конкурсым иктешлыме. Сеҥышыш «ГражданИн» граждан тӱҥалтышлан полшышо фонд, Инвалид-влак ушем, «Мидгард» историй реконструкций клуб, «Поколений» самырык- влак ушем да «Десантник- влак ушемын» верысе пӧлкаже лектыныт. Коммерцийдыме мер организаций- влак социал проектыштлан 400 тӱжем теҥге грантым налыт. «ГражданИн» фондлан 200 тӱжем, «Мидгардлан» 50 тӱжем теҥге логалеш. «Поколений» организаций ден «Десантник- влак ушем» 50 тӱжем теҥге гыч налыт.
