Денис Шаблий сеҥыше- влак коклаш логалын
Самырык- влакын калыкле кинопремийыштышт Денис Шаблий сеҥыше- влак коклаш логалын. Москошто сеҥыше- влакым саламлымаш эртен. Проектым Роскультцентр ден самырык- влакын пашашт шотышто Федерал агентстве ямдыленыт. Премийыш элысе 71 регион гыч 430 йодмашым пуымо улмаш. Сеҥыше- влакым вич номинацийыште ойырен налме. «Смартфон дене возымо эн сай фильм» номинацийыште «Обсерватор» фильмже дене режиссёр да продюсер семын Шернур посёлко гыч Денис Шаблий сеҥышыш лектын. «Кӱчык метражан эн сай фильм» ден «Смартфон дене возымо эн сай фильм» номинацийлаште сеҥыше фильм- влакым шушаш ийын уремысе кинон Тӱнямбал фестивальже кышкарыште тӱжем олаште ончыктат.
