ДПС-ын нарядше пассажир автобуслан полшен

                     Звенигово районышто «Звенигово-Памар» корнышто ГИБДД ДПС-ын нарядше аварийный тулым чӱктышо автобусым ужын. Рашемын: «Озаҥ-Моско» маршрут дене кайыше автобусын дизель топливыже пытен улмаш. Салонышто куд пассажир лийын. Кугыжаныш автоинспекцийын пашаеҥже- влак вашке гына перевозчикын еҥже- влак дене топливым кондаш кутырен келшеныт. Тиде жапыште инспектор- влак пассажир- шамычлан шокшо служебный машинаште ыраш темленыт.. Чыла ситыдымашым кораҥдымеке, автобусым виктарыше- влак таум каласеныт да корнышт дене умбакыже кудалыныт.

Прошлые выпуски