Ӱдырамаш дамбым ыштыктен, ынде штрафым тӱла

Россельхознадзорын Угарман областьысе да Марий Элысе виктемышкыже Волжский районысо Шарача кундемыште верланыше мланде участкын озаже деч йодмаш пурен. Тудо шошо да йӱр вӱдын йоген кайыме корныштыжо  чоҥен шогалтыме дамбылан кӧра  лишыл яллам вӱд налме, корным мушкын колтымо, чодыра да пасун купыш савырнымыже нерген воза да тергымашым эртараш йодеш. Тергымаш ончыктен: дамбым чынак ыштыме, кушкыл кушмо сай мландым кораҥдыме. Тергыме материалым «Волжский» полиций пӧлкаш колтымо. Дамбым кутырен келшыде, шкевуя верысе ӱдырамаш ыштыктен. Тудлан 10 тӱжем теҥге штрафым тӱлыкташ ыштыме.

Прошлые выпуски