Элым аралышын кечыжлан рӱдӧ олаштына ятыр мероприятийым палемдыме

                 Элым аралышын кечыжлан рӱдӧ олаштына ятыр мероприятийым эртараш палемдыме. Пайремлымаш кугарнянак тӱҥалын. Каныме чыла кечылаштат тӱвыра да тӱшка мероприятий- влак лийшаш улыт. Рӱдӧ каныме парк кум кечынжат кечывал гутлаште спорт да фольклор модмаш- влакым темла. Ленин лӱмеш тӱвыра полат кугу экраныште саламлымашым ончыкта, Сеҥымаш паркыште пайрем куржталмашым эртара, полатыште йоча сӱрет да фото выставке пашам ышта. Сеҥымашын 30-шо идалыкше лӱмеш тӱвыра полат шочмын 12 шагатлан сылнысем да сылнымут композицийыш ӱжеш, а 16 шагатлан Саранск гыч 
«Ачамланде» группын концертшым ончыкта. Россий Армийын тӱвыра полатше эрла 9 шагат гыч спорт кучедалмаш дене первенствым, 22-шо кечын тиде жапыштак кирам нӧлтымаш дене таҥасымаш- влакым ончаш ӱжеш. Тушто тыгак сӱрет выставкым ончаш лиеш.
Фото: hoteisea.ru

Прошлые выпуски