Кидым кӱэштше- влаклан оокса дене полшат

                     Республикысе киндым кӱэштше предприятий- влаклан 11 миллион теҥгем тӱлат. Социал кӱлешан кочкыш сатулан акым умбакыже тӧр кучаш манын, Марий Эл Правительствын 18-ше февральысе пунчалже почеш, республикын бюджетше гыч ыштен лукмо киндым да кинде сатум ужалаш кучылтмо оксалан компенсацийым пӧртылташ субсидийым пуымо правилым пеҥгыдемдыме. Ял озанлык министерствыште увертарыме почеш, тидыже киндым кӱэштше промышленностьлан сатум ужалымаште йомдарыме шийвудым шагалемдаш полша. Тыгай решений пищепромлан полша гына огыл, акым кугемдымашым чараш йӧным ышта. Ведомствын уверже почеш, тений идалык мучко киндым кӱэштше предприятий- влаклан 11 миллион теҥге утла оксам пуымо лиеш.
Фото: cookingmir.ru

Прошлые выпуски