Инфекций пӧлкалаште койкым шагалемдат

                      Марий Элысе инфекций пӧлкалаште эше 200 койкым шагалемдыме. Эпидемиологий ситуаций саемаш тӱналмылан кӧра 25-ше январь гыч республикысе 10 медицина организацийыште 609 койкым кораҥдыме. Оршанке да Советский рӱдӧ эмлыме вер- влак ончычсо семын пашам ышташ тӱҥалыныт. Тушко коронавирус ден черланыше пациент- влакым огыт намий. 17-ше февраль гыч эше 200 койкым Марий Турек, Звенигово, Медведево, республикысе йоча клинический эмлыме вер гыч кораҥдыме. Сарын ветеранже- влаклан клинический госпитальыште 145 гыч 45 койкым гына кодымо. Тачысе кечылан 8 медицина тӧнежыште 685 койко кодеш. Тушечын 64 процентше кучылталтеш, коронавирус инфекциян 438 еҥ эмлалтеш, тушечын 66 еҥже нелын черланыше улеш. Кажне кечын 35-45 наре еҥым эмлаш пыштат. Тымарте 10 тӱжем утла еҥ ковид деч прививкым ыштыктен.

Прошлые выпуски