ЕГЭ 29-ше да 30-шо июньышто тунемше- влак деч посна эрта
ЕГЭ 29-ше да 30-шо июньышто тунемше- влак деч посна эрта. Российыште икымше ЕГЭ-влак июнь мучашыште тест режим дене лийыт, - увертарен просвещений министр Сергей Кравцов. Палемдыме кечылаште экзаменым школьник- влак деч посна эртарат. Тыгай мерым технический да организационный паша- влакым чаткан радамлаш манын пуртеныт. А шке Единый кугыжаныш экзаменже пробный тергымаш гыч тӱҥалеш. Тӱҥ экзамен- влак Российыште 3-шо июль гыч тӱҥалыт. Тиде кечын ӱдыр- рвезе- влак литература, информатике да да географий дене шинчымашыштым тергат. ЕГЭ-м эртарме кече- влак вузласе приёмный компанийын срокшылан чаракым огыт ыште. 24-ше июльым руш да йот йылмыла дене резерв кече семын палемдыме, а 25-ше июльым- чыла предмет денат. ЕГЭ-м сдатлыме радам коронавируслан кӧра вашталтын. Экзаменым вузыш тунемаш пураш шонышо- влак гына кучаш тӱҥалыт. Тыгайже 780 тӱжем наре еҥыш погына.
