Федераций Советыште Республикыште илыме вер да коммунал инфраструктурым вияҥдыме йодышым каҥашеныт
Федераций Советыште Республикыште илыме вер да коммунал инфраструктурым вияҥдыме йодышым каҥашеныт. Коммунал да инженер инфраструктурым вияҥдыме йодышым Марий Элым вуйлатыше Юрий Зайцев ден Федераций Советын федеративный устройство, регионласе политике, верысе самоуправлений да Йӱдвелын пашаже шотышто Комитетым вуйлатыше Андрей Шевченко да тудын икымше алмаштышыже Владимир Городецкий дене вашлиймашышт годым да Комитетын кумдаҥдыме заседанийыштыже каҥашыме. Андрей Шевченко республикын делегацийжын Субъектын кечылажым эртараш сайын ямдылылтмыжым палемден. Сандене пунчалын проектышкыже ончылгоч радамлын каҥашыме йодыш- влак пурталтыныт. Нуным Валентина Матвиенколан ончымо лиеш да иктешлыше документын негызышкыже возыт. Погынышо- влак вӱдым ситарыме да йоктарен колтымо объектлам чоҥымо, Йошкар-Олаште эҥер серым тӱзатыме, шуко шочшан еш- влаклан пӧртым чоҥаш ойырымо мланде кумдыклаште коммунал да корно инфраструктурым чоҥымо, шуко пачеран пӧртлаште лифт- влакым вашталтыме нерген йодыш- влакым каҥашеныт. Докладым Правительство вуйлатышын алмаштышыже Александр Сальников ыштен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
