Калык- влакын келшымаш пӧртыштышт «Финно-угорийын чия ден ритмже- влак» ончер-концерт лиеш
Марий Элысе калык- влакын келшымаш пӧртыштышт 26-шо октябрьыште «Финно-угорийын чия ден ритмже- влак» ончер-концерт лиеш. Тудо родо-тукым финн-угор калык- влакын кечыштлан пӧлеклалтеш, 15 шагатлан тӱҥалеш. Коми, мордва, удмурт да хант калыкын мер организацийыштын еҥышт видеоконференций йӧн дене погынышо- влакым пайрем дене саламлат. Пайремже кодшо курымын 30-шо ийлаже гычак эртаралтеш, а Российыште 2000-ше ий гыч палемдалтеш. Концерт программыже республикысе усталык коллектив- влакым ушен шога, нуно финн-угор калык- влакын йылмышт дене выступленийым ончыктат. Тиде «Чон оҥгыр» да «Сото вий» ансамбль, «Падыраш» ден «Юкече» йоча коллектив, Российын сулло артисткыже Зоя Берникова. Светлана Яндукова ден Даниил Коротков, «Онар» ансамбль лийыт. Ешартыш семын «Кугу Юл» выставкым ончаш лиеш. Тушто калыкле вургем- влак, кидпаша мастарлык, юл кундемысе финн-угор республикыла гыч сӱретче- влакын пашашт ончыкталтыт.
