Фонтан тургым мучашыш лишемеш
Йошкар-Олаште фонтан- влакым телылан ямдылаш тӱҥалыныт. Тиде пашам «Водоканал» МУП-ын специалистше- влак шуктат. Ушештарена: тений фонтан- влакым 29-ше апрельыште чӱктымӧ ыле. Нуно вич тылзе рӱдӧ оласе калыкым да уна- влакым куандареныт. Ынде каналташ жап. Кызыт специалист- влак вӱдшым йоктарен колтат, чашыжым мушкыт, насос- влакым, таймерым, светильникым, форсункым рончен налыт. Вара чыла оборудований шошо марте петыралтеш. Специалист- влакын мутышт почеш, тиде жапыште фонтаным йӧртымаш, температурын чот вашталтмыже дечын аралаш полша. Фонтаным петырымаш икмыняр кече шуйна.
Фото: МариМедиа.
Фото: МариМедиа.
