УФСИН-ын психологшо Российысе конкурсышто ойыртемалтын
Республикысе УФСИН-ын психологшо Ирина Слесарева силовой структурыласе психолог- влакын Российысе конкурсыштышт сай лектышым ончыктен. Эн сай психолог лӱм вреч профессионал мастарлык конкурсын финалже Оборона министерствын военный университетыштыже эртен. Тушто Ирина Слесарева нылымше верым сеҥен налын. Таҥасымаште МЧС-ын, Оборона министерствын, Следствий комитетын, суд пристав- влак федерал службын, накзанийым шуктышо федерал службын да «Росэнергоатом» концернын писхологшо- влак моштымашыштым ончыктеныт. Ведомство йыжыҥлаште сеҥышыш лекше 11 еҥ лийын. Конкурс кум йыжыҥ дене эртен: шкалан презентацийым ыштымаш, «Викторина» да «Профессионал ончалтыш». Ирина Анатольевна чыла заданийым чаткан шуктен. Кумшо верыш лекше деч лач ик баллан шагалрак поген. Тудлан «За волю к победе» дипломым кучыктымо.
