«Дружба» футбол команде ала первенствыште куандара?
«Приволжье» регион кокласе футбол ушемын кубокшо верч таҥасымашын тӱшка йыжыҥыштыже Марий Элысе «Дружба» футбол команде пытартыш модмашым эртарен. Ижевскыш «Зенит-Ижевск-М» команде дене модмашке самырык футболист- влак миеныт. Нылытше 15 ияш гына улыт. Оза- влак вияҥрак лийыныт. Вашлиймаш 1 да 4 счёт дене мучашлалтын. Иктешлымашым ышташ гын, кандаш модмаште «Дружба» сеҥалтын. Шке капкашкыже 34 мечым колтен, еҥ капкаш ик мечым гына пуртен кертын. Тыге команде пытартыш верым айлен. Ынде шке вийжым Приволжье МФС-ын первенствыштыже ончыктен кертеш. Черетан матч 10-шо августышто лиеш. «Дружба» шке полештыже Самара гыч «Крылья Советов-ЦПФ» командым вашлиеш.
