Идалык тӱналтыш гыч шочмо элышкышт ныл йотэл еҥым колтеныт
Республикыштына идалык тӱналтыш гыч шочмо элышкышт ныл йотэл еҥым колтеныт. Тений ий тӱҥалтыш гыч суд пристав- влак Грузийын, Киргизийын, Арменийын да Молдовын ныл гражданжым шочмо элышкышт поктен колтеныт. Йотэл еҥ- влак тӱҥ шотышто оксам ыштен налаш але тунемаш толыныт, но варажым нунын миграций учётыш шогалме дене чаракышт лектын. Мемнан элыште лийме жапышт эртен. Шкеже кужемдыме шотышто нимомат ыштен огытыл, эл гыч кайыме шотышто шуйкален Марий Элыштак иленыт. Суд заседанийлаште кажныше шке титакан улмыжым умылен, суд нуным административный правонарушенийым ыштымылан титаканлан шотлен. Нунылан кажныжлан кок тӱжем теҥге штрафым тӱлыкташ ыштыме да эл гыч луктын колтымо,- увертара сул пристав службо виктем.
Фото: Россий ФССП-н Марий Элысе виктемже.
Фото: Россий ФССП-н Марий Элысе виктемже.
