Игече кукшо шога, тул пижме лӱдыкшӧ кугу
29-ше апрель гыч 10-шо май марте чодырашке кошташ, транспорт дене пураш чаралтеш. Правительствын пунчалже дене келшышын, 15-ше апрель гыч 10-шо май марте республикысе чыла районыштат тул ваштареш шогымо посна режим пеҥгыдемдалтын, а 29-ше числа гыч еҥ- влаклан да транспортлан чодыраш пураш чаралтеш. Указеш кидпалыжым Марий Элым вуйлатыше Юрий Зайцев пыштен. Чарымаш шошо жапыште тул пижмым шагалемдаш манын пурталтеш.
