Мланде пашаеҥ-влак шошо ага тургымым тӱҥалыныт
Республикысе мланде пашаеҥ-влакын шошо ага тургым кажне кечын вийым налеш. Ялозанлык да кочкыш сату министерствын увертарымыж почеш, тачысе кечылан кок тӱжем утла гектарыште кокияш озымлан ӱяҥдышым пуэныт. Тидыже шуктышаш чумыр пашан нылле шым процентше лиеш. Тыгак шуко ияш шудо кумдыкымат тырмален пушкыдемдат.
