Йошкар-Олаште понтон куварым тетла шындаш огыт тӱҥал
Йошкар-Олаште понтон куварым тетла шындаш огыт тӱҥал. Лӱдыкшым ышташ огыл манын, Изи Какшан гоч понтон кӱварым петырыме. Тудо 1980-шо ийла гычак чумыралтеш ыле да Ширяйково микрорайон ден олан эҥер вес могыржым да Пӱнчерым ушен шоген. Шыже еда ий кылмаш тӱҥалмеке тудым кораҥденыт, шошым ий кайымеке уэш вӱд ӱмбаке луктыныт. Ынде тудым огыт лук. Мэрийыште умылтарыме почеш тудо лӱдыкшым луктеш. Тушто «Йӱштылаш ок лий», «Кӱвар гыч вӱдыш тӧрштылаш чаралтеш» манын возымо гынат. еҥ- влак тудым огыт ончо. Кодшо кеҥежым тушеч йоча вӱдыш пурен каен. Тиде кӱварым ынде Киров урем гыч Ширяйково марте чоҥымо магистральыште ыштыме 200 метр кужытан кӱвар алмашта. Тушто йолешке- влаклан тротуарым ыштыме, лишыл жапыште автобус маршрутым почыт,- увертара ола администраций.
Фото: Йошкар-Ола администраций.
Фото: Йошкар-Ола администраций.
