Ик тонн пӱгыльмӧ нӧшмым шапашлыме
Республикыштына у чодырам шындаш ик тонн утла пӱгыльмӧ нӧшмым шапашлыме. «Экологий» калыкле проектын «Чодырам арален кодымаш» проект республикыштына Александ Евстифеевын терген шогымыж почеш шыҥдаралтеш. Республикыштына мыняр чодыра ралтеш, тунарак уэш шындалтеш. Чодырам кушташ куштылго огыл. Специалист- влак нӧшмым ямдылат, тудым ӱдат, озымым ончен-куштат да вара луктын шындат. Пӱртӱс поянлык министерствын ончыктымыж почеш, пӱнчӧ ден кожын нӧшмӧ шапашыже ик тонн наре уло. Тудо лишыл кум ий жапыште озымым ончен- кушташ сита. Тынар нӧшмӧ гыч 20 миллион озым шочын кертеш да вич тӱжем гектареш шындаш сита. Пӱгыльмым коштышо кок вер гыч иктыже Шернур посёлкышто тудым перерабатыватлаш тӱҥалын. Тачысе кечылан переработкышто кожын пӱгыльмыжӧ ик тоннат пеле, пӱнчын- 15 тонн уло. Тымарте ик тонн утла пӱнчӧ пӱгыльмым перерабатыватлыме да тушечын 12 кило кычкым налме.
