Илыш дене чеверласыш…
Редакцийышкына ойган увер тольо. Теҥгече Марий Элын сулло журналистше Вяеслав Кольцов ӱмыр лугыч лийын. Тудлан кок арня гыч 68 ий темеш ыле.
Вячеслав Анатольевич 1958-ше ийын 9-ше ноябрьыште Морко велысе Изи Кушна ялеш шочын. 1982-шо ийыште Марий университетын историй да филологий факультетшым тунем лектын. Профессионал пашажым Марий радиошто тӱҥалын да редактор гыч радиовещаний службым вуйлатыше марте корным эртен. 40 ий наре йӧратыме сомылжым шуктен. Пашам йӧратымыже, поро кумылжо, кажнылан кертмыже семын полшаш тыршымыже- тудын ойыртемалтше койышыжо.
Усталык пашаже дене уло марий калыклан палыме. «Шым гана висе» мыскара программе тудлан республике деч ӧрдыжтат палымашым конден. Тудын тыршымыжым «Марий Элын сулло журналистше» да «Российын почётан радистше» чап лум- влак дене аклыме. Тыгак Республикысе Общественный палатын йыжыҥъеҥже лийын.
Мемнан Марий радион коллективше родо-тукымжо, лишыл еҥже- влаклан шке чаманымашнам каласена. Вячеслав Анатольевич Кольцов дене чеверласымаш вӱргечын 28-ше октябрьыште 10 гыч 11 шагат марте Оласе моргын ритуал залыштыже Больничный уремысе 18-ше А адрес дене лиеш.
Фото: «Марий Эл» ГТРК-н архивше.
Вячеслав Анатольевич 1958-ше ийын 9-ше ноябрьыште Морко велысе Изи Кушна ялеш шочын. 1982-шо ийыште Марий университетын историй да филологий факультетшым тунем лектын. Профессионал пашажым Марий радиошто тӱҥалын да редактор гыч радиовещаний службым вуйлатыше марте корным эртен. 40 ий наре йӧратыме сомылжым шуктен. Пашам йӧратымыже, поро кумылжо, кажнылан кертмыже семын полшаш тыршымыже- тудын ойыртемалтше койышыжо.
Усталык пашаже дене уло марий калыклан палыме. «Шым гана висе» мыскара программе тудлан республике деч ӧрдыжтат палымашым конден. Тудын тыршымыжым «Марий Элын сулло журналистше» да «Российын почётан радистше» чап лум- влак дене аклыме. Тыгак Республикысе Общественный палатын йыжыҥъеҥже лийын.
Мемнан Марий радион коллективше родо-тукымжо, лишыл еҥже- влаклан шке чаманымашнам каласена. Вячеслав Анатольевич Кольцов дене чеверласымаш вӱргечын 28-ше октябрьыште 10 гыч 11 шагат марте Оласе моргын ритуал залыштыже Больничный уремысе 18-ше А адрес дене лиеш.
Фото: «Марий Эл» ГТРК-н архивше.
