Республикысе чодыраште тул пижын кертме лӱдыкшӧ тургымым официально петырыме

Республикысе чодыраште тул пижын кертме лӱдыкшӧ тургымым официально петырыме
          Республикысе чодыраште тул пижын кертме лӱдыкшӧ тургымым официально петырыме. Пӱртӱс поянлык министерстве увертара: лӱдыкшӧ тургымым 19-ше октябрьыште мучашлыме. Тений тудо 183 кече шуйнен- 20-шо апрель гыч 19-ше октябрь марте. Тургымын тыгай статистикыжым ончыктат: республике мучко 14 чодыра пожарым регистрироватлыме. Тудо 14 гектар утларак  кумдыкым авалтен. Чылажымат икымше суткаштак йӧртымӧ. Писын реагироватлыме показатель 100 процентыш шуын. Эн чӱчкыдын тул Звенигово лесничествыште- кум гана пижын.
           Тӱҥ амалже коклаште тул дене шекланыде пайдаланымашым ончыктат- 12 случай, 13 гектар утла чодыра йӱлен. Кок случайже кӱдырчӧ перыме дене кылдалтын- 0, 83 шӱдаш гектар чодыра когарген.  Калыклан да транспортлан чодыраш пураш чарымашым ик гана 22-шо гыч 27-ше май марте пеҥгыдемдыме. Тургым мучко ныл тӱжемат 948 патрулирований мероприятийым, калык дене тӱжемат 157 мутланымаш дене лекцийым эртарыме, шым тӱжемат 261 листовко ден шарныктарыше кагазым шаркалыме. Тулым йӧртымашке 58 единице техникым ушымо. Тул пижымым юж гычат, малнде ӱмбачат видеоэскерыме камере, эскерыме вышке, верысе калыкын шижтарымашыжым кучылтын рашемдыме.
           Фото: Пӱртус поянлык министерстве (архив).

Прошлые выпуски