Озаҥ гыч камерный оркестр Йошкар-Олаште ныл концертым ончыкта
Озаҥ гыч «La Primavera» камерный оркестр Йошкар-Олаште ныл концертым ончыкта. Яков Эшпай лумеш Марий кугыжаныш филармонийын сценыштыже оркестр «Времена года» у программыжым темла. Тушко ныл концерт пурен. Оркестрын художественный вуйлатышыже да тӱҥ дирижёржо Рустем Абязов Вивальдин, Чайковскийын, Шостаковичын, Гендельын, Висковын, Свиридовын, Пьяцоллан, Штраусын, Дебюссин сочиненийышт негызеш циклым ямдылен. Чыла произведенийжат идалыкын жапше дене мыняр гынат кылдалтше улыт,- палемдат филармонийыште.
Тиде чапланыше сем коллективым Абязов 1989-ше ийыште чумырен. Тудо шоктымо кӱкшӧ мастарлыкым ончыкта. Репертуарыштыже кызыт тӱжемат 500 утла произведений уло.
Концерт афишыште ончыктымо: концерт- влак 18 шагатат 30 минутлан тӱҥалыт. 30-шо октябрьыште «Времена года. Шыже», 2-шо декабрьыште «Теле» 26-шо февральыште «Шошо», 21-ше апрельыште «Кеҥеж» концерт- влакым ончыкта. Ныл концертшымат ик абонементыш ушымо. Тудым йӧнан ак дене налаш лиеш. Акше да вер улмо нерген Марий филармонийын сайтыштыже але кассыштыже пален налаш лиеш.
Фото: Я.Эшпай лӱмеш Марий Кугыжаныш филармоний.
Тиде чапланыше сем коллективым Абязов 1989-ше ийыште чумырен. Тудо шоктымо кӱкшӧ мастарлыкым ончыкта. Репертуарыштыже кызыт тӱжемат 500 утла произведений уло.
Концерт афишыште ончыктымо: концерт- влак 18 шагатат 30 минутлан тӱҥалыт. 30-шо октябрьыште «Времена года. Шыже», 2-шо декабрьыште «Теле» 26-шо февральыште «Шошо», 21-ше апрельыште «Кеҥеж» концерт- влакым ончыкта. Ныл концертшымат ик абонементыш ушымо. Тудым йӧнан ак дене налаш лиеш. Акше да вер улмо нерген Марий филармонийын сайтыштыже але кассыштыже пален налаш лиеш.
Фото: Я.Эшпай лӱмеш Марий Кугыжаныш филармоний.
