Изи классыште тунемше- влакым шокшо кочкыш дене пукшаш тӱҥалыт
Республикыштына икымше сентябрьлан тӱҥалтыш класслаште тунемше 35 тӱжемат 500 йочам шокшо кочкыш дене пукшаш тӱналыт. Россий Президентын Посланийжым илышыш шыҥдарыме нерген правительствын заседанийыштыже ойлымо. Тудым Марий Элым вуйлатыше Александр Евстифеев эртарен. Тудын мутшо почеш, республикыште кызыт президентын кӱштымашыжым шукташ тыршен пашам ыштат. Кокла лектыш нерген министр- влак увертареныт. Туныктыш министерствын ончыктымыж почеш, у йӧныш куснымо жапыште тений 1-ше сентябрь гыч 2023-шо ий 1-ше сентябрь марте шокшо кочкыш дене тӱҥалтыш класслаште тунемше 35 тӱжемат 456 йочам авалтыман. Тидлан 133 миллионат 196 тӱжем теҥге субсидийым ойырыман. Оксам ойырашлан чыла школышто шокшо кочкыш дене пукшаш кӱлеш йӧн лийшаш. Министр Наталья Адамован мутшо почеш, школлан пищеблокыштышт технологий оборудований, инвентарь уло, но тоштемше оборудованият ятыр. Тыгай школ- влакым республикым вуйлатыше ончен савырнаш кумылым ончыктен. Тазалыкаралтышын первичный звеножым уэмдыме, кадрым ситарыме, пашадарым тӱлымӧ у системым пуртымо, эмым ситарыме шотышто Президентын
кӱштымашыжым кузе шуктымо нерген тазалыкаралтыш министр Марина Панькова ойлен. Медицина кадрым ситарыме шотышто паша шукталтеш, служебный илыме верым ойырымо йодыш пӱсын шога. Икшыван ешлан полышым пуымо, калыкын парышыжым ешарыме, демографий сӱрет нерген социал вияҥмаш министрын сомылжым шуктышо Андрей Компаниец ойлен. Финанс министр Алексей Торощин кредит парым нерген ойлен. 2017-ше ий апрель гыч 2019-ше ий декабрь марте парымым 953 миллионлан але 46 процентлан шгалемдыме. Тиде пашам умбакыжат шуйымо лиеш.
кӱштымашыжым кузе шуктымо нерген тазалыкаралтыш министр Марина Панькова ойлен. Медицина кадрым ситарыме шотышто паша шукталтеш, служебный илыме верым ойырымо йодыш пӱсын шога. Икшыван ешлан полышым пуымо, калыкын парышыжым ешарыме, демографий сӱрет нерген социал вияҥмаш министрын сомылжым шуктышо Андрей Компаниец ойлен. Финанс министр Алексей Торощин кредит парым нерген ойлен. 2017-ше ий апрель гыч 2019-ше ий декабрь марте парымым 953 миллионлан але 46 процентлан шгалемдыме. Тиде пашам умбакыжат шуйымо лиеш.
