"Калык участковый" Моркышто
«Калык участковый» конкурсын регионысо этапыштыже сеҥышыш Морко район гыч Владимир Константинов лектын. Тудо интернет йӱклымаште эн шуко йӱкым поген. Ынде тудо Российын моло эн сай участковый уполномоченныйже-влак коклаште таҥасаш тӱҥалеш.
Владимир Константинов эл кӧргӧ пашаште 2019-ше ийыште службым эрташ тӱҥалын. Кугурак участковый уполномоченныйлан кодшо ий гыч веле тырша. Тудын участкышкыже 5 тӱжем наре еҥ пура.
