Шергештеш кочкыш сату
Марий Элыште адакат мунылан, шемшыдаҥлан, шӧр ден ӱйлан ак кушкын. Марситатын увертарымыже почеш, тений сентябрьыште тыгак помидор, кияр, апельсин, банан шергештыныт. Тыгак колбаса, чывыйол, сӧсна пап, нӧшмӱй, сок, маргарин ден кетчуп, пельмень, индейке шыл, кылмыктыме да шулыктарыме чыве шергырак лийыныт. Тидын годым кешыр, ковышта, паренге, шоган, йошкар ушмен, олма шулдештыныт. Тыгай пакча-саскалан тиде жапыште ак эре вола. Тылеч посна кодшо тылзын консерве ден вареньым, макароным шулдырак ак дене ужаленыт.
