Троллейбус паркын пашаже
Мэрийыште «Троллейбус транспорт» предприятийын вияҥмыже шотышто йодышым каҥашеныт. Предприятий вуйлатыше Сергей Деряев дене мэрын икымше алмаштышыже Лев Покровский вашлийын.
Тачысе кечын «Троллейбус транспорт» - олаште калыкым шупшыктышо тӱҥ перевозчик. Тудо 11 троллейбус да 8 автобус маршрутым обслуживатла. Кумытшо - социальный. Автопарк у техника денат пойдаралтеш. Тыгак самырык-влак дене профориентаций пашалан тӱткыш ойыралтеш. Нунылан тунемме классым, тренажёр троллейбусым, цех-влакым ончыктат, пашашт нерген каласкалат.
15-ше октябрьыште "Троллейбус" транпсорт предприятийлан 53 ий темын.
