Китай ден Марий Эл кокласе кыл
Россий парламентын кӱшыл палатыжын председательже Валентина Матвиенко Китай коммунист партийын Ляонин провинций комитетшын секретарьже, Ляонин Калык представитель-влакын Погынымашыштын постоянный комитетшын председательже Хао Пэном дене вашлийын.
Мероприятийыште Марий Элым вуйлатыше Юрий Зайцев ден сенатор Константин Косачеват лийыныт. Вашлиймаш Россий президент Владимир Путинын Китай Калык республикыш тӱнямбал форумыш ушнымыжо дене кылдалтын. «Тиде саммит Россий да Китай кокласе кылым вияҥдымаште кугу верым налшаш», - палемден Валентина Матвинеко. Кызытат тиде кылым вияҥдаш манын шуко ышталтеш. Мутлан, Марий Эл икмыняр Китай регион дене кылым куча. Тидын нерген кумданрак Юрий Зайцев ойлен. Тыгак тудо промышленность, туныктымаш, туризм да тӱвыра шӧрыныштӧ пырля ыштышаш паша нерген каласкален. Тудо палемден: республика Китай гыч партнёр-влак дене кылым вияҥдаш шона.
