Советский посёлкышто паркым чоҥат

                  Кодшо кушкыжмын Советский посёлкышто кумшо номеран парк зоным тӱзландарыме шотышто пашам тӱҥалме. Тыгеже, «Йӧнан оласе кумдыкым ыштымаш» программе кышкарыште,  райрӱдын эше ик лукшо сылнештеш. Тений Горький ден Советский уремла коклаште верланыше паркыште пашан икымше йыжыҥже шукталтеш. Проект кум ийыште ыштен шукталтшаш. Тудын акше 22 миллион утла теҥге. Проект почеш рӱдӧ аллейыште брусчаткым шарат. Парк йыр  кызыт кушшо пушеҥге- влакым арален кодат, уке верыштыже ешарен шындат. Парк йыр велокорным чоҥат, самырык- влаклан зоным ыштат, лӱҥгалтыш, пеледышым шындыме вер, теҥгыл- влак лийыт. Верысе калык тротуарный фонтаным ышташ йодеш, тудо волгалтарыман лиеш. Тыгайже Йошкар-Олаштат уке. Советский администраций посёлкысо чыла ныл парк зона шотыштат тӱзландарыме проектым ямдылен.

Прошлые выпуски