Черетан фольклор да этнографий пайрем
Шуматкечын, 15-ше июльышто, Килемар районышто «Земля предков» фольклор да этнографий пайрем эрташ тӱҥалеш. Тудын кышкарыштак «Многоликая Россия» калык усталык да кидпаша фестиваль лиеш. Мероприятийыш Марий Эл, Татарстан, Чуваш республикла гыч, Киров да Угарман кундемла гыч 14 усталык коллектив ден 40 утла кидмастар толшаш. Пайрем Арде селаште 11 шагатлан тӱҥалеш. Тудын тӱҥ шонымашыже - Российыште илыше тӱрлӧ калыкын поян йӱлажым арален кодаш, мурымо мастарлыкым вияҥдаш, регион-влак коклаште усталык кылым вияҥдаш.
