Кодшо ийын Марий Элысе бизнес округышто эн шуко кредитым налын
2020-шо ийын лектышыже почеш, Юл кундем округышто Марий Элысе бизнес эн шуко кредитым налын. Кодшо ийын банк- влак республикысе предприятий ден посна амалкалче- влаклан 52 миллиард утла теҥге кредитым пуэныт. Тидыже ончычсо ий деч 46 процентлан шукырак да Юл кундем округышто эн кугу показатель. Эн шукыжо ял озанлык предприятий- влак налыныт- 27 процентым. Тыгак кугу ужаш ужалкалыше организаций- влаклан 23 %, обрабатыватлыше отрасль-влаклан 16 процент логалеш. 2019-ше ий дене таҥастарымаште ял озанлык предприятий да обрабатыватлыше производство кок пачаш шукырак налын. Изи да кыдалаш предпринимательстве 26 процентлан шукырак кучылтын- 20 миллиард теҥге утла. Кредитым шукырак налмаш коронавирус жапыште правительствын бизнеслан полшымо мерыже да ставкын иземмыже дене кылдалтын.
