Корным олмыкташ оксам ешарен ойырымо

                   Ешарен ойырымо окса Марий Элыште 20 меҥге утла корным олмыкташ полша. «Регионласе, муниципал кокласе да верысе кӱкшшытан корнылам вияҥдаш полшымаш» целевой программе кышкарыште ойырымо 30 миллиард теҥге федерал оксам 84 субъектыш колтымо. Марий Эллан тушечын 300 миллион теҥге логалын. Тиде окса дене Картук- Йоласал- Пайыскырык корнын кум меҥге наре ужашыже, Картук- Микрак- Васильсурск корнын 20 меҥге кужытшым олмыкташ палемдыме. Тиде Курык марий районышто кӱлешан корно. Картук –Васильсурск корным ӱмаште да тений олмыктымо. Ынде кодшыжым ачалат. Тиде корно дене Угарман областьыш миен шуаш лиеш. Тымарте нине объектыште паша мучашлалтеш. Объект- влакым тений октябрьыште эксплуатацийыш пуышаш улыт.

Прошлые выпуски