Косолоп ял илем кундемыште Марий Турек район администрацийын кечыже эртен
Косолоп ял илем кундемыште Марий Турек район администрацийын кечыже эртен. Тудын кышкарыште администрацийым вуйлатыше Сергей Решетов ден муниципал районым вуйлатыше Лариса Яндыбаева калыклан приёмым эртареныт, еҥ-влак дене вашлийыныт да ял илемыште пӱсын шогышо йодыш- влакым каҥашеныт, тыгак икмыняр социал объектыш миеныт, «Йӧнан оласе кумдыкым ыштымаш» проект почеш шыҥдарыме объект- влакым ончен лектыныт. Илемым да районым социал-экономик велым вияндыме, проект ден программе- влакым шыҥдарыме, пожар да вӱдыштӧ лӱдыкшыдымылык шотышто кӱлешан увер дене калыкым палдареныт. Калык дене корным олмыктымо, Почто пӧлкан, йоча садын фасадшым ачалыме, кеҥеж жапыште вӱдым ситарыме йодыш- влакым чолган каҥашыме. Калыкым увер дене палдарыме мероприятийште район администрацийым вуйлатышын алмаштышыже, район погынымаш ден илемын депутатше, администрацийын специалистше, социал полышым пуышо да пашам ситарыше рӱдерлан еҥышт участвоватленыт.
Фото: Марий Турек районын администрацийже.
Фото: Марий Турек районын администрацийже.
