Козьмодемьянск Испанийысе ола дене кылым пеҥгыдемда

Козьмодемьянск Испанийысе ола дене кылым пеҥгыдемда
Кызыт Козьмодемьянск ден Испанийысе Андалусия кундемын Кордова провинцийышкыже пурышо Инохоса-дель-Дуке ола коклаште иза-шольо кылым ыштыме шотышто соглашенийым пеҥгыдемдаш ямдылыме. Тиде вашкыл промышленность, ял озанлык, тӱвыра, туныктыш, тазалыкаралтыш, туризм, спорт, самырык политике шотышто пырля проект- влакым ышташ полшышаш. Тыгак экскурсий, ончер-ярминга пашам, кок кундем гыч ваш-ваш коштмо турист кылым вияҥдаш йӧным ыштышаш. Тиддеч посна Козьмодемьянскысе тунемше да студент- влаклан испан йылмым тунемаш сай йӧн лиеш. Молан манаш гын, тунемме тӧнеж- влак коклаште кылым пеҥгыдемдыме. Вашкыл почеш тыгак усталык коллектив- влак вашла кошташ, ончер, ярминга, фестиваль-влакым эртараш тӱҥалыт.

Прошлые выпуски