Козьмодемьянск олан тошто ужашыжым йӧршын уэмдат

Козьмодемьянск олан исторический ужашыжым пужен ышташ палемдыме. 2021-ше ий мучашлан олан тошто ужашыштыже кугу олмыктымо паша шукталтшаш. Тиде куанле паша «Козьмодемьянск- историйын, тӱвыран да экологийын илыше тоштерже» проектым илышыш шыҥдарымылан кӧра лийын кертын. Тиде проект тений Россий кӱкшытан конкурсышто сеҥышыш лектын. Проектым олан администрацийже Москосо архитектур школын специалистше- влак дене пырля ыштен. Проект олан тошто ужашыжым оласе калыкын, турист- влакын кумылыштым савыраш да тӱҥ турист да канен коштмо маршрутыш савырашлан ышталтын. Тушто ятыр тоштер, тӱвыра памятник-влак верланеныт. Проектым шыҥдараш Козьмодемьянск 44 миллион теҥге грантым налеш. Кызыт Йошкар-Оласе «Архитектор Дмитриевын мастерскойжо» ушемын специалистше- влак проект да смете документацийым ямдылат. Чоҥымо паша вес ийын тӱҥалшаш.

Прошлые выпуски