Кум министерстве иктешлымашым ыштен
Марий Элым вуйлатышын тӱҥалтышыже ял озанлыкыште лектышым, корно лӱдыкшыдымылыкым саемдаш, ола деч ӧрдыжсӧ лагерьлаште каныше йоча- влакын чотыштым шукемдаш йӧным ыштен. Министерстве ден ведомствылан тенийсе лектышыштым Юрий Зайцевын эртарыме Правительствын заседанийыште увертарыме. Мутлан, Республикым вуйлатышын кӱштымыжӧ почеш ял озанлык техникым да оборудованийым налмылан кучылтмо оксан ужашыжым пӧртылтымӧ. Озанлык- влакын машина-трактор паркыштым уэмдаш 429 технике ден оборудованийым налме. Тидыже кодшо ийысе деч 1,4 гана шукырак. Тичмаш налмаште ял озанлык производствылан кугыжаныш полышын кугытшо 935 миллион теҥгеш шуын.
Правительстве заседанийыште тыгак фотовидеофиксаций системе полшымо дене корно лӱдыкшыдымылыкым кугемдыме йодышым каҥашыме. Транспорт министр Александр Герасименкон мутшо почеш тоштемше камере- влакым кызытсе жаплан келшыше системе дене вашталтыме. Тидлан кӧра корнылаште ДТП- влак шагалемыныт, колышо- влакын чотышт ныл пачаш иземын. Кызыт 223 камерым вераҥдыме, шушаш ийын нуным 250 марте шукташ шонат.
Правительствын заседанийыштыже кеҥежымсе тазалыкым пеҥгыдемдыме кампанийым иктешлыме. Туныктыш министр Лариса Ревуцкая палдарен: кеундемыштына ола деч ӧрдыжсӧ 18, палаткан 8, школ пеленысе 177 лагерь пашам ыштеныт. Лагерьлаште чылаже 26 тӱжемат 500 йоча каналтен. Кодшо ийысе деч кок тӱжемлан шукырак.
Фото: Марий Элым вуйлатышын администрацийжын увер дене пашам ыштыше пӧлкаже.
Правительстве заседанийыште тыгак фотовидеофиксаций системе полшымо дене корно лӱдыкшыдымылыкым кугемдыме йодышым каҥашыме. Транспорт министр Александр Герасименкон мутшо почеш тоштемше камере- влакым кызытсе жаплан келшыше системе дене вашталтыме. Тидлан кӧра корнылаште ДТП- влак шагалемыныт, колышо- влакын чотышт ныл пачаш иземын. Кызыт 223 камерым вераҥдыме, шушаш ийын нуным 250 марте шукташ шонат.
Правительствын заседанийыштыже кеҥежымсе тазалыкым пеҥгыдемдыме кампанийым иктешлыме. Туныктыш министр Лариса Ревуцкая палдарен: кеундемыштына ола деч ӧрдыжсӧ 18, палаткан 8, школ пеленысе 177 лагерь пашам ыштеныт. Лагерьлаште чылаже 26 тӱжемат 500 йоча каналтен. Кодшо ийысе деч кок тӱжемлан шукырак.
Фото: Марий Элым вуйлатышын администрацийжын увер дене пашам ыштыше пӧлкаже.
