Мемнан спортсмен ший медальым налын
Волжск ола гыч кучедалше Турцийыште турнирыште сай лектышым ончыктен. Анталья олаште кодшо кечылаште Турцийын кум чемпионжым шарныме лӱмеш греко-рим кучедалмаш дене тӱнямбал турнир мучашлалтын. Греко-рим кучедалмаш дене Российын 24 ияш марте самырык- влак сборный командыжын спортсменже- влак таҥасымашыште ик шӧртньӧ, кок ший да той медальым сеҥен налыныт. 77 килограмм марте нелытан- влак коклаште Марий Элысе олимпий резерв спорт школын тунемшыже, спорт мастер Данил Григорьев чолгалыкым ончыктен. Мемнан спортсмен ший медальым налын. Тудо Турций гыч спортсменлан гына модын колтен. Данилын туныктышыжо – Российын сулло тренерже Александр Серяков.
Фото: Данил Григорьев.
Фото: Данил Григорьев.
