Марий Элыште Россий калыкын ик ой дене пырля улмо идалыкшылан тӱналтышым пуымо
Марий Элыште Россий калыкын ик ой дене пырля улмо идалыкшылан тӱналтышым пуымо. Российысе калык- влак ассамблейын регионысо пӧлкажын еҥже- влак тиде сомылым Марий Турек посёлкышто шуктеныт. Пайрем мероприятийыште Марий Эл Кугыжаныш Погыным вуйлатышын икымше алмаштышыже Лариса Яковлева лийын. Ме тӱҥ поянлыкна - калык- влакын пырля да келшен илымашыштлан пӧлеклалтше ойыртемалтше идалыклан тӱҥалтышым ыштена. Унам йӧратыше, Российын рӱдыштыжӧ марий , одо, татар да руш- влакын йылмышт дене муро йоҥгышо Марий Турек район келшен толшо чапле верыш савырнен. Тыгай вашлиймаш- влак калык кокласе тыныслыклан пеҥгыде негыз лийын шогат,- каласен Лариса Яковлева. Пайрем 9 калыкын еҥыштым иктеш чумырен. Уна- влакым марий, одо ойыртемалтше йӱла- влак, калыкле вургем, кочкыш, модыш, чулым куштымаш- влак ӧрыктареныт. Мероприятийыште посна тау шомакым район администрацийым вуйлатыше Сергей Решетовлан, Карлыган тӱвыра пӧртын ла Сардаял школын усталык коллективыштлан каласыме.
Фото: Марий Эл Кугыжаныш Погын.
Фото: Марий Эл Кугыжаныш Погын.
