Кундемышкына кугу йӱштӧ толын
Кундемышкына кугу йӱштӧ толын. Тудлан кӧра тунемше- влакын школ каникулыштым кок кечылан шуйымо. Тыгай решенийым Йошкар-Оласе туныктыш виктем луктын. Тыге кумшо чырыкын тунемме икымше кечыже 11-ше январьыште тӱналеш. Игечым эскерыше- влак эрлаланат йӱдвел мардежым сӧрат. Южын температурыжо йӱдым южо вере 34 градус марте йӱкшемда, кечывалым 29 градус марте лийшаш. Йочам школыш колташ але укежым ача-ава- влак шке решатлен кертыт. Йоча школыш толын гын, тудым туныктышаш улыт. Икшыве школыш ок кай гын, класс вуйлатышым шижтарышаш улыт. Ушештарена: 25 градус да йӱштырак лиеш гын, икымше гыч 4-ше класс марте огыт тунем, 28 градус да йӱштырак гын, 5-8 класслаште тунемше- влаклан мӧҥгышто кодаш темлалтеш, 30 градус да йӱштырак гын, 9-11-ше класслаште тунемше- влакланат мӧҥгышто лияш темлат.
