2023-шо ий гыч ава капитал гыч тылзе еда оксам тӱлымӧ йӧн вашталтеш
У ий гыч Марий Элыште еш- влак ава капитал гыч кеч-кудо йочалан тылзе еда оксам налын кертыт. 2023-шо ий гыч ава капитал гыч тылзе еда оксам тӱлымӧ йӧн вашталтеш. Ынде оксам кум ияш марте кеч-кудо йочалан шочмо черетшым ончыде налаш лиеш. Тидым федерал закон пеҥгыдемден. Тылзе еда капитал гыч тӱлымӧ окса- тиде изи парышан еш- влаклан кугыжаныш полыш. Ешын парышыже илен лекташ ситыше оксан кок кугытышкыжо ок шу гын, тыгай полыш пуалтеш. Пуымо окса йочалан илен лекташ ситыше окса дене ик кугытан улеш. Республикыштына кызыт тудын кугытшо 12 тӱжемат 585 теҥге, 2023-шо ийыште 13 тӱжем теҥге лиеш.
