У Ий да Рошто пайрем жапыште чыла муниципал образованийыштат калыкын лӱдыкшыдымылыкшым ыштымаште пашам вияҥдаш кӱштымӧ
Марий Элым вуйлатыше У Ий да Рошто пайрем жапыште чыла муниципал образованийыштат калыкын лӱдыкшыдымылыкшым ыштымаште пашам вияҥдаш кӱштен. Юрий Зайцев видеоконференций йӧн дене районлам вуйлатыше- влак дене совещанийым эртарен. Тудо силовой блок, ресурсым ситарыше организацийла дене пырля профилактике мерым пеҥгыдемдаш кӱштен. Правительстве вуйлатышын алмаштышыже Степан Воронцов кӱлешан мерым ыштыме манын увертарен. Мероприятийым эртарыме республике да муниципал объектлан спискыштым ыштыме, объектлам терген лекме, дежурство графикым ыштыме, корным эрыктыше технике дене дежурствылан ойпидышым кылдыме, гидрант- влак дене корным терген шогат. Погынымашын торжественный ужашыжат лийын. Юрий Зайцев Россий Правительстве вуйлатышын алмаштышыже Марат Хуснуллинын да чоҥымаш министр Ирек Файзуллинын лӱмышт дене «Йӧнан оласе кумдыкым ыштымаш» проект кышкарыште йӱклымаште трышыше волонтёр- влаклан тауштымашан серышым кучыктымо. Волонтёр корпусым вуйлатыше Мария Ямбакова, Козьмодемьянскысе добровольчестве рӱдерым вуйлатыше Мария Жирова, волонтёр- влак Мария Дорогова, Юлия Крючкова, Сергей Михайлов, Данил Сидоров, Артём Якимов да Галина Долговалан тауштымашым кучыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
