Марий Эл тенийсе идалыкым корным да илыме верым чоҥымо дене коло ончыл регион коклаште мучашла

            Марий Эл тенийсе идалыкым  корным да илыме верым чоҥымо дене коло ончыл регион коклаште мучашла. Марий Элым вуйлатыше Юрий Зайцев Российысе кундемлам вияҥдыме шотышто Правительство комиссий Президиумын заседанийыштыже лийын. Тудым Россий Правительство вуйлатышын алмаштышыже Марат Хуснуллин видеоконференций йӧн дене эртарен. Погынышо- влак регион-шамычын чоҥымо пашаштым иктешлыме да 2023-шо ийлан планым каҥашеныт. Марий Эл чыла отрасльыштат кӱкшӧ лектыш дене идалыкым мучашла. «Юл эҥерым тазаҥдымаш» федерал проектым шыҥдарыме дене икымше верыште улеш, корным чоҥымаш дене 8-ше, илыме верым ыштен шуктымо дене -13-шо, «Йӧнан оласе кумдыкым ыштымаш» дене 16-шо верыште улеш. «Илыме вер» проект дене планым 112 процентлан шуктымо, кодшо ийысе деч 1,2 гана шукырак ыштыме. «Йӧнан оласе кумдыкым ыштымаш» проект кышкарыште 92 кумдыкым- 55 тӱшка да 37 кудывече кундемым тӱзландарыме. Илаш йӧрыдымӧ пӧртлам пытарыме денат планым темыме. Тенийлан палемдыме план деч 143 процент калыкым кусарыме, 228 меҥге корным, 669 метр кӱварым олмыктен пашаш колтымо. Школым, врач амбулаторийым чоҥымо, Тӱвыра пӧртым олмыктымо, вӱд пучым, водозаборым, Спорт полатым чоҥымо. Марий Элым вуйлатыше шушаш ийынат пашам лушкыдемдыде проектлам чаткан шыҥдараш тӱҥалына манын ӱшаным каласен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски